Festival ka nisur me ritme të larta, ku ylli me famë botërore Dua Lipa është parë e pranishme në zonat e dedikuara të festivalit, duke shijuar performancat dhe energjinë e publikut.
Festivali më i madh në vend, Sunny Hill Festival, ka çelur zyrtarisht dyert e tij për këtë edicion, duke sjellë sërish sytë e skenës ndërkombëtare nga Prishtina. Pjesë e energjisë së kësaj dite të parë kanë qenë edhe figurat e njohura të cilat mbështesin çdo vit këtë ngjarje madhështore kulturore.
Në fotografitë e siguruara nga terreni, Dua Lipa shihet e pranishme në hapësirat e festivalit, e shoqëruar nga njerëz të afërt dhe bashkëpunëtorë, duke ndarë momente relaksi dhe biseda në prapaskena e zonat VIP. E veshur thjeshtë por me stilin e saj ikonik, ajo ka tërhequr vëmendjen e të pranishmëve ndërsa ndiqte nga afër organizimin e këtij viti.
Aktiviteti i ditës së parë shënon nisjen zyrtare të maratonës tre-ditore të muzikës, e cila premton performanca të paharrueshme dhe një fluks të jashtëzakonshëm vizitorësh nga rajoni dhe diaspora.
Leave a Reply