Federata Franceze e Futbollit ka konfirmuar emërimin e Zinedine Zidane si trajnerin e ri të kombëtares franceze, duke i dhënë fund epokës së Didier Deschamps në krye të “Les Bleus”.
Legjenda franceze rikthehet në pankinë pas disa vitesh larg futbollit, duke marrë drejtimin e një prej kombëtareve më të forta në botë. Zidane, i cili si lojtar udhëhoqi Francën drejt triumfit në Kupën e Botës 1998, tani synon të shkruajë histori edhe si trajner.
Ish-trajneri i Real Madridit vjen me një CV të jashtëzakonshme, ku përfshihen 3 tituj të Ligës së Kampionëve radhazi dhe shumë trofe të tjerë me klubin spanjoll.
Sfida e tij e parë do të jetë të vazhdojë suksesin e Francës në skenën ndërkombëtare dhe të menaxhojë një brez të artë me yje si Kylian Mbappé, Eduardo Camavinga dhe Aurélien Tchouaméni.
Emërimi i Zidane shihet si një rikthim historik për futbollin francez — një ikonë e vitit 1998 që tani kthehet për të udhëhequr “Les Bleus” drejt një epoke të re lavdie.
Leave a Reply