E ardhmja e Vinícius Júnior duket se do të vazhdojë të jetë e lidhur me Real Madridin. Pas javësh të mbushura me spekulime për një largim të mundshëm, raportimet e fundit bëjnë të ditur se sulmuesi brazilian është shumë pranë arritjes së një marrëveshjeje të re me klubin madrilen.
Bisedimet mes drejtuesve të Real Madridit dhe përfaqësuesve të lojtarit kanë përparuar ndjeshëm gjatë ditëve të fundit. Palët thuhet se kanë gjetur gjuhën e përbashkët për pjesën më të madhe të kushteve, ndërsa mbeten vetëm disa detaje për t’u finalizuar para nënshkrimit zyrtar.
Kjo lëvizje pritet t’i japë fund të gjitha aludimeve që e lidhnin Viníciusin me një largim gjatë merkatos së verës. Emri i tij ishte përfolur në media të ndryshme evropiane, por gjithçka tregon se braziliani nuk ka ndërmend të largohet nga “Santiago Bernabéu”.
Real Madridi e konsideron 26-vjeçarin një nga figurat më të rëndësishme të projektit për vitet e ardhshme. Rinovimi i tij do të ishte një tjetër sinjal i qartë se klubi dëshiron të ndërtojë skuadrën rreth yjeve të rinj, me Viníciusin që pritet të vazhdojë të jetë një nga liderët kryesorë të ekipit.
Leave a Reply