Kryetari i LDK-së, Lumir Abdixhiku, ka reaguar lidhur me situatën e krijuar rreth konstituimit të Kuvendit të Kosovës.
Abdixhiku ka deklaruar se nuk ekziston asnjë arsye për shtyrjen e mëtejshme të procesit, duke kërkuar që Kuvendi të vazhdojë punën dhe institucionet e vendit të funksionalizohen sa më shpejt.
Deklarata e tij vjen në një moment kur afati për konstituimin e Kuvendit po i afrohet fundit, ndërsa paqartësitë politike vazhdojnë.
Sipas Abdixhikut, zvarritja e këtij procesi vetëm sa e thellon krizën institucionale dhe pasigurinë politike në vend. Ai ka bërë thirrje që deputetët dhe partitë politike të marrin përgjegjësinë dhe të mundësojnë funksionalizimin e Kuvendit.
Situata pritet të marrë drejtim gjatë orëve në vijim, veçanërisht për shkak të afatit të përcaktuar për përfundimin e procesit të konstituimit.
Leave a Reply