Seanca konstituive e Kuvendit të Kosovës ka përfunduar sërish pa u zgjidhur çështja e nënkryetarëve, duke lënë të hapur krizën rreth përfundimit të konstituimit të institucioneve.
Gjatë votimit të sotëm, deputeti i Vetëvendosjes, Ardian Gola, u zgjodh nënkryetar i Kuvendit me 101 vota. Situata u komplikua te kandidatura e PDK-së, Vlora Çitaku, e cila mori 44 vota për, një kundër dhe 56 abstenime.
Pas dështimit të votimit, deputetët e PDK-së lëshuan sallën. Kryetarja e Kuvendit, Albulena Haxhiu, kërkoi që PDK-ja të propozojë përsëri kandidatin e saj, por partia nuk mori pjesë në vazhdimin e seancës.
Më vonë, përfaqësuesit e PDK-së bënë të ditur se synojnë t’i drejtohen Gjykatës Kushtetuese lidhur me zhvillimet në Kuvend.
Situata është veçanërisht e rëndësishme pasi Kuvendi duhet të përfundojë konstituimin përpara se institucionet e tjera të mund të funksionojnë normalisht. Edhe çështja e zgjedhjes së presidentit mbetet një prej pikave të mëdha politike që pritet të shkaktojë përplasje të reja.
Kuvendi konfirmon se Ardian Gola u zgjodh, ndërsa procesi për nënkryetarët e tjerë nuk përfundoi.
Leave a Reply