EULEX dhe Policia e Kosovës kanë zhvilluar të hënën një ushtrim të përbashkët të fokusuar në menaxhimin e turmave dhe situatave të mundshme të trazirave.
Ushtrimi është zhvilluar në kompleksin e EULEX-it në zonën industriale të Prishtinës dhe është pjesë e aktiviteteve të rregullta për përgatitjen e strukturave të sigurisë.
Gjatë ushtrimit janë përdorur personel dhe pajisje të ndryshme në një zonë të përcaktuar për trajnime.
Qëllimi i aktivitetit është rritja e gatishmërisë operacionale dhe forcimi i bashkëpunimit ndërmjet EULEX-it dhe institucioneve të sigurisë së Kosovës.
Sipas njoftimit, ushtrimi synon gjithashtu përmirësimin e koordinimit dhe ndërveprimit mes institucioneve përgjegjëse për sigurinë dhe menaxhimin e turmave.
Aktiviteti është zhvilluar në kuadër të përpjekjeve për të përmirësuar përgatitjen e strukturave të reagimit dhe bashkëpunimin sipas standardeve evropiane.
Qytetarët në zonat përreth mund të kenë vërejtur lëvizje të personelit dhe pajisjeve gjatë zhvillimit të ushtrimit.
Leave a Reply