Ursula von der Leyen në Kosovë – takime në Prishtinë

Presidentja e Komisionit Evropian, Ursula von der Leyen, ka qëndruar sot në Kosovë në kuadër të turit të saj në Ballkanin Perëndimor.

Gjatë vizitës në Prishtinë, ajo është takuar me ushtruesen e detyrës së presidentes, Albulena Haxhiu, si dhe me kryeministrin Albin Kurti. Në fokus të takimeve kanë qenë perspektiva evropiane e Kosovës, reformat dhe mbështetja e Bashkimit Evropian përmes Planit të Rritjes për Ballkanin Perëndimor.

Vizita e saj vjen në një periudhë të rëndësishme për Kosovën, ndërsa procesi i integrimit evropian mbetet një prej temave kryesore në marrëdhëniet ndërmjet Prishtinës dhe Brukselit. Komisioni Evropian ka publikuar sot edhe deklaratën e von der Leyen pas takimit me Kurtin.