Vaksinimi kundër gripit sezonal në Kosovë nuk ka nisur në fillim të tetorit, siç ishte planifikuar. Sipas Institutit Kombëtar të Shëndetësisë Publike të Kosovës, 85 mijë doza të vaksinës pritet të arrijnë më 21 tetor 2026.
Vonesa është shkaktuar nga ndryshimet në shtamet e virusit të gripit që duhet të mbulohen nga vaksina e sezonit 2026/2027. Këto ndryshime kanë ndikuar në afatet ndërkombëtare të prodhimit dhe furnizimit.
Vitin e kaluar vaksinimi në Kosovë kishte nisur më 1 tetor. Institucionet shëndetësore pritet t’i njoftojnë qytetarët për fillimin e vaksinimit pasi vaksinat të arrijnë dhe të shpërndahen në qendrat përkatëse.
Sipas të dhënave të publikuara, vaksinimi do të jetë i mundur në QKMF dhe në qendra të tjera të mjekësisë familjare. Mbrojtja ndaj gripit fillon rreth dy javë pas vaksinimit.
Leave a Reply