Ish-presidenti i Serbisë, Aleksandar Vuçiq, ka shprehur pakënaqësi ndaj përfaqësuesve të Listës Studentore për Kosovën, duke i kritikuar për qëndrimet e tyre politike dhe raportet me Listën Serbe.
Gjatë një deklarimi për media, Vuçiq u shpreh i shqetësuar për situatën e komunitetit serb në Kosovë, ndërsa pretendoi se përfaqësuesit e kësaj liste nuk kanë reaguar ndaj deklaratave të kryeministrit Albin Kurti lidhur me qëndrimin që do të mbajë qeveria e ardhshme e Serbisë ndaj pavarësisë së Kosovës.
Sipas Vuçiqit, mungesa e një reagimi nga ana e tyre është shqetësuese.
Ai kritikoi gjithashtu një përfaqësues të Listës Studentore për Kosovën, duke pretenduar se ai nuk ka lidhje të mjaftueshme me Kosovën dhe se gjatë gjithë jetës e ka vizituar territorin vetëm tri herë.
Një tjetër çështje që Vuçiq ngriti ishte refuzimi i pretenduar i këtij përfaqësuesi për të bashkëpunuar me Listën Serbe, subjektin politik që mbështetet nga Beogradi.
“E di shumë mirë se nuk dëshiron të bashkëpunojë me Listën Serbe dhe përfaqësuesit e popullit serb”, deklaroi Vuçiq, duke shtuar se është i vetëdijshëm edhe për mënyrën se si mund të zhvillohen veprimet politike në të ardhmen.
Në fund, ai u kërkoi përfaqësuesve të Listës Studentore që t’i hedhin poshtë publikisht pretendimet e tij, duke thënë se do ta mirëpriste një reagim të tillë dhe lajme pozitive për Serbinë.



Leave a Reply