Projekti i ri i futbollit italian ka pësuar një goditje të rëndë. Paolo Maldini dhe Leonardo kanë vendosur të largohen nga postet e tyre në Federatën Italiane të Futbollit vetëm 10 ditë pasi morën detyrën.
Sipas raportimeve, vendimi erdhi pas mosmarrëveshjeve me drejtuesit e federatës lidhur me zgjedhjen e trajnerit të ri të kombëtares. Maldini dhe Leonardo kishin mbështetur emërimin e Andrea Pirlos, por kandidatura e tij u bllokua, duke çuar në prishjen e marrëdhënieve mes palëve.
Dorëheqja e dy legjendave e thellon edhe më shumë krizën në futbollin italian, i cili po kalon një periudhë të vështirë pas dështimit për t’u kualifikuar në Kupën e Botës. Tashmë Federata Italiane përballet me sfidën për të rindërtuar projektin sportiv dhe për të gjetur stabilitet në drejtimin e kombëtares.
Leave a Reply