Komandanti i KFOR-it, gjeneralmajor Ozkan Ulutash, deklaroi se NATO nuk do të lejojë krijimin e asnjë vakumi sigurie në Kosovë dhe në rajonin e Ballkanit. Ai theksoi se stabiliteti i rajonit mbetet me rëndësi strategjike për Aleancën dhe se KFOR-i vazhdon të monitorojë nga afër situatën në terren.
Ulutash shtoi se siguria afatgjatë nuk arrihet vetëm përmes pranisë ushtarake, por edhe përmes dialogut politik dhe bashkëpunimit ndërmjet institucioneve. Deklarata vjen në një kohë kur vazhdojnë tensionet politike në veri të Kosovës dhe diskutimet për praninë e forcave ndërkombëtare në vend.
Leave a Reply