Mali Etna në Sicili ka hedhur sërish sasi të mëdha hiri dhe lavë, duke krijuar një skenë dramatike që ka mbuluar qytetet përreth. Ky shpërthim i radhës është ndër më intensivët e muajve të fundit, duke shkaktuar shqetësim në popullatën lokale.
Autoriteti i Aviacionit Civil Italian (ENAC) ka njoftuar mbylljen e përkohshme të hapësirës ajrore mbi Katania për shkak të shpërndarjes së hirit vullkanik, i cili përbën rrezik të lartë për motorët e aeroplanëve. Dhjetëra fluturime janë anuluar ose devijuar drejt aeroporteve të tjera në ishull.
Ekspertët e Institutit Kombëtar të Gjeofizikës dhe Vullkanologjisë (INGV) po monitorojnë situatën 24/7. Banorët në qytezat në rrëzë të vullkanit janë këshilluar të ndjekin udhëzimet e mbrojtjes civile dhe të përdorin masa mbrojtëse ndaj hirit që po bie në zonë. Deri më tani nuk janë raportuar dëme në njerëz, por monitorimi vazhdon me intensitet të lartë.
Leave a Reply