Sot pasdite mbi qiellin e Gjilanit do të ndodhë një ngjarje e rrallë natyrore: një eklips diellor. Kjo do të thotë se Hëna do të kalojë para Diellit dhe do t’i zërë një pjesë të dritës, fiks pak para se Dielli të perëndojë.
Në Gjilan, eklipsi do të nisë rreth orës 19:29 dhe pamja më e mirë do të jetë në orën 19:38. Meqë Dielli në atë kohë do të jetë shumë ulët, është mirë ta shikoni nga ndonjë vend më i lartë ose nga hapësira ku nuk ju pengojnë ndërtesat e larta.
Kujdes i madh duhet me sytë! Mos e shikoni Diellin direkt me sy të lirë dhe as me syze të zakonshme dielli, sepse mund t’ju dëmtohen sytë. Për ta parë sigurt, duhen syze speciale për eklips ose mund ta shikoni përmes hijes së ndonjë letre të shpuar.
Kjo është një ngjarje e veçantë që nuk shihet shpesh, ndaj shfrytëzojeni këtë mbrëmje për ta parë këtë pamje interesante në qiell!
Leave a Reply