Qyteti i Sarandës ka mbetur pa energji elektrike mbrëmjen e së enjtes, në një periudhë kur qyteti bregdetar është i mbushur me turistë.
Sipas raportimeve, ndërprerja ka nisur rreth orës 21:30 dhe ka prekur pjesë të mëdha të qytetit. Shkak paraprak dyshohet të ketë qenë ngarkesa e lartë në rrjetin elektrik, e cila mund të ketë shkaktuar defekt në një prej linjave furnizuese.
Ekipet e kompanisë së energjisë pritet të punojnë për rikthimin e furnizimit dhe për përcaktimin e saktë të shkakut. Deri tani nuk janë raportuar persona të lënduar.
Leave a Reply