Pas një periudhe të gjatë ngërçi politik, deputetët e Kuvendit të Kosovës pritet të mblidhen sot për vazhdimin e seancës konstituive. Në qendër të diskutimeve është zgjedhja e kryetarit dhe nënkryetarëve, me të cilën do të përfundonte një pjesë kyçe e procesit të konstituimit të legjislativit.
Pjesëmarrja e opozitës është bërë një nga çështjet kryesore para seancës. PDK-ja ka vendosur të marrë pjesë, ndërsa edhe LDK-ja ka konfirmuar se deputetët e saj do të jenë në sallë.
Megjithatë, pjesëmarrja nuk nënkupton automatikisht se procesi do të përfundojë. KOHA ka raportuar se brenda LDK-së ka pasur edhe qëndrime të ndryshme rreth pjesëmarrjes në një seancë që është thirrur pasi kishte kaluar afati kushtetues për konstituimin e Kuvendit.
Ndërkohë, kryesuesi Avni Dehari ka kërkuar që deputetët ta shohin situatën me përgjegjësi dhe të kontribuojnë në funksionalizimin e institucioneve. Sipas tij, Kosova nuk ka nevojë për zvarritje të tjera apo për një proces të ri zgjedhor.
Të gjitha sytë sot janë te salla e Kuvendit. Nëse sigurohen votat e nevojshme, vendi mund të bëjë një hap të rëndësishëm drejt funksionalizimit të plotë të institucioneve. Në të kundërtën, ngërçi politik mund të vazhdojë edhe më tej.
Leave a Reply