Seanca konstituive e Kuvendit të Kosovës nuk arriti të përfundojë as sot, pasi partitë politike nuk gjetën marrëveshje për mënyrën e zgjedhjes së nënkryetarëve.
Albulena Haxhiu, e cila u zgjodh kryetare e Kuvendit një ditë më parë me 62 vota për, 16 kundër dhe 13 abstenime, e ndërpreu seancën pas mospajtimeve mes subjekteve politike. Në qendër të debatit ishte edhe kandidatura e Listës Serbe për postin e nënkryetarit.
Sipas kalendarit zyrtar të Kuvendit, vazhdimi i seancës konstituive është caktuar për të premten, më 11 shtator. Ngërçi institucional vazhdon prej javësh dhe mbetet e paqartë nëse partitë do të arrijnë marrëveshje në vazhdimin e radhës.
Leave a Reply