Tragjedia e tragetit – 5 të vdekur, dhjetëra të zhdukur

Një traget pasagjerësh është përfshirë nga zjarri pranë ishullit Palawan në Filipine, duke shkaktuar një operacion të madh kërkim-shpëtimi.

Në bordin e MV June Aster ndodheshin 134 persona, përfshirë 117 pasagjerë dhe 17 anëtarë të ekuipazhit. Deri tani janë konfirmuar të paktën pesë viktima, ndërsa dhjetëra persona vazhdojnë të konsiderohen të zhdukur. 43 persona janë shpëtuar. 

Sipas dëshmive fillestare, pas një zhurme të fortë nga pjesa e ngarkesave, zjarri u përhap me shpejtësi. Disa pasagjerë u detyruan të hidheshin në det.

Rojet bregdetare, ushtria, peshkatarët lokalë dhe ekipe të tjera po marrin pjesë në kërkimet për të mbijetuarit. Shkaku i zjarrit ende nuk është përcaktuar.