Policia e Kosovës ka njoftuar për arrestimin e një shtetasi të huaj në Han të Elezit, i cili dyshohet se kishte kaluar ilegalisht vijën kufitare në këmbë.
Sipas njoftimit të Policisë, njësia patrulluese e kishte ndaluar personin më 14 shtator 2026. Gjatë verifikimit të dokumentacionit dhe të dhënave të tij, është konstatuar se ndaj tij kishte një ndalesë aktive për hyrje në Kosovë për një periudhë prej dy vitesh.
Rasti është proceduar më tej dhe, me aktvendim të prokurorit kujdestar, i dyshuari është dërguar në qendrën e mbajtjes.
Policia nuk ka bërë të ditura detaje të tjera lidhur me identitetin apo shtetësinë e personit.
Leave a Reply