Nesër në orën 10:00, merret vendimi në Hagë për Thaçin, Veselin, Selimin dhe Krasniqin

Një nga ditët më të rëndësishme për procesin gjyqësor në Hagë vjen të mërkurën, më 16 shtator.

Dhomat e Specializuara kanë caktuar orën 10:00 për shpalljen e aktgjykimit ndaj Hashim Thaçit, Kadri Veselit, Rexhep Selimit dhe Jakup Krasniqit.

Seanca do të jetë publike dhe do të transmetohet online në tri gjuhë: shqip, anglisht dhe serbisht. Transmetimi mund të ndiqet përmes platformës zyrtare të Dhomave të Specializuara. (KSC & SPO⁠)

Procesi gjyqësor ndaj katër ish-drejtuesve të UÇK-së nisi më 3 prill 2023, ndërsa deklaratat përmbyllëse u mbajtën në shkurt të vitit 2026.

Tash, pas përfundimit të procesit dhe periudhës së shqyrtimit të provave, Trupi Gjykues do të bëjë publik vendimin e tij.

Vëmendja pritet të jetë e madhe si në Hagë, ashtu edhe në Kosovë, ku zhvillimet e kësaj çështjeje janë ndjekur me interes të jashtëzakonshëm.