Ed Sheeran po përballet me një tjetër zhvillim të bujshëm rreth turneut të tij “Loop Tour”. Një radio e madhe irlandeze, Classic Hits Radio, ka vendosur të heqë të gjitha këngët e këngëtarit nga playlistat e saj “për të ardhmen e parashikueshme”, pas reagimeve të dëgjuesve lidhur me largimin e reperit Macklemore nga turneu.
Polemika nisi pasi Macklemore u largua nga datat e mbetura të turneut amerikan, pas deklaratave të tij pro-palestineze gjatë koncerteve në MetLife Stadium në New Jersey. Sheeran ka deklaruar se vendimi nuk ishte i tij dhe se ishte marrë nga promotori dhe stadiumet, ndërsa ai kishte tentuar të gjente një zgjidhje.
Situata u përshkallëzua edhe më tej pasi disa artistë që do të performonin si pjesë e turneut, mes tyre Finneas, Lukas Graham, Aaron Rowe dhe Beoga, u tërhoqën nga koncertet e mbetura.
Radioja irlandeze tha se vendimi për të mos transmetuar më muzikën e Sheeran nuk ishte një “gjykim personal” ndaj tij, por erdhi pas reagimeve të dëgjuesve dhe solidarizimit me artistët irlandezë që u larguan nga turneu. Vendimi mbetet nën shqyrtim.
Leave a Reply