Gjykata Kushtetuese e Kosovës ka publikuar sot, më 23 shtator, vendimin lidhur me kërkesat që kundërshtonin mënyrën e konstituimit të Kuvendit dhe zgjedhjen e Qeverisë së re.
Gjykata ka konstatuar se Kuvendi i Kosovës është konstituuar pas skadimit të afatit 30-ditor të përcaktuar me Kushtetutë. Megjithatë, kjo nuk e ka bërë antikushtetuese zgjedhjen e Qeverisë më 13 shtator.
Një nga pikat më të rëndësishme të vendimit lidhet me zgjedhjen e Presidentit të Kosovës. Sipas vendimit, afati 60-ditor për zgjedhjen e Presidentit ka nisur më 8 gusht dhe përfundon më 6 tetor 2026.
Gjykata ka përcaktuar gjithashtu se deputetët duhet të zgjedhin sa më shpejt nënkryetarin e Kuvendit nga radhët e grupit të dytë më të madh parlamentar.
Vendimi është marrë njëzëri dhe tashmë vëmendja pritet të përqendrohet te hapat që do të ndërmerren brenda Kuvendit para skadimit të afatit kushtetues.
Leave a Reply