Kosova ka regjistruar një deficit tregtar prej 568 milionë eurosh gjatë muajit gusht 2026, sipas të dhënave të publikuara sot nga Agjencia e Statistikave të Kosovës.
Gjatë këtij muaji, vendi eksportoi mallra në vlerë prej rreth 100.5 milionë eurosh, ndërsa importet arritën në 668.5 milionë euro. Krahasuar me gushtin e vitit të kaluar, eksportet janë rritur për 31.9 për qind, ndërsa importet për 9 për qind.
Sipas të dhënave, eksportet kanë mbuluar vetëm rreth 15 për qind të importeve. Pjesën më të madhe të eksporteve e përbëjnë metalet bazë dhe artikujt prej tyre, produktet minerale, ushqimet, pijet dhe duhani.
Ndërkaq, te importet dominojnë produktet minerale, ushqimet, pijet e duhani, automjetet, si dhe makineritë dhe pajisjet mekanike e elektrike.
Leave a Reply