Një stuhi e fuqishme në Queensland të Australisë shkaktoi breshër të madh, duke dëmtuar edhe një automjet ku ndodhej një nënë bashkë me vajzën e saj vetëm katër muajshe.
Sipas raportimit të publikuar në rrjetet sociale, kur kokrrat e mëdha të breshrit nisën të përplaseshin me forcë në xhamat e veturës, Fiona Simpson reagoi menjëherë për të mbrojtur foshnjën e saj.
Me vajzën në ulësen e pasme dhe të ekspozuar ndaj breshrit, nëna u shtri mbi të dhe përdori trupin e saj si mburojë. Breshëri e goditi vazhdimisht në kokë, krahë dhe shpinë, ndërsa ajo qëndroi mbi foshnjën derisa rreziku kaloi.
Foshnja pësoi vetëm disa dëmtime të lehta, ndërsa nëna mbeti me mavijosje të shumta dhe dhimbje si pasojë e goditjeve të forta.
Ngjarja është shpërndarë gjerësisht në rrjetet sociale, ndërsa veprimi i nënës është komentuar si një shembull i reagimit instinktiv të një prindi për të mbrojtur fëmijën e tij në një situatë të rrezikshme.
“Në ato momente nuk mendova për veten”, është mesazhi që përshkruan më së miri reagimin e saj ndaj situatës.
Leave a Reply