Pesë persona janë arrestuar në Britani të Madhe nën dyshimin për vepra që lidhen me eksplozivë dhe për përgatitjen e një akti terrorist, njoftuan autoritetet britanike.
Ngjarja ndodhi pranë bazës ajrore RAF Fairford në Gloucestershire, e cila përdoret edhe nga Forcat Ajrore të SHBA-së. Policia kishte marrë një telefonatë rreth orës 00:45 për tre automjete të dyshimta që po lëviznin në drejtim të bazës.
Forcat e armatosura dhe ekipet e specializuara për çaktivizimin e eksplozivëve u angazhuan në zonë, ndërsa disa banorë pranë vendngjarjes u evakuuan.
Policia kundër terrorizmit ka marrë drejtimin e hetimeve. Autoritetet britanike kanë theksuar se hetimi është ende në fazat e para dhe pesë të arrestuarit vazhdojnë të mbahen në paraburgim.
Leave a Reply