Asambleja Parlamentare e Këshillit të Evropës (PACE) ka reaguar lidhur me situatën politike në Kosovë, duke theksuar se mbajtja e zgjedhjeve të reja, në vetvete, nuk garanton zgjidhjen e ngërçit institucional.
Në deklaratën e publikuar, është bërë thirrje për dialog, bashkëpunim dhe arritje të kompromisit ndërmjet forcave politike, me qëllim funksionalizimin e institucioneve dhe tejkalimin e krizës aktuale.
Sipas PACE, stabiliteti institucional dhe vazhdimi i reformave mbeten të rëndësishme për rrugën evropiane të Kosovës. Deklarata ka ngjallur reagime të shumta në opinionin publik dhe në skenën politike.
Zhvillimet e ardhshme pritet të tregojnë nëse partitë politike do të arrijnë marrëveshje për tejkalimin e situatës së krijuar.
Leave a Reply