Vdekje e dyshimtë tek Albanika në Gjilan, policia intervenon pas raportimit për erë të rëndë

Një rast i dyshimtë është raportuar sot në lagjen Albanikë të Gjilanit, ku policia ka intervenuar pas informatave të pranuara nga banorët e zonës.

Sipas informacioneve fillestare, banorët kishin raportuar se nga një banesë po vinte një erë e rëndë dhe e pazakontë. Pas pranimit të informatës, njësitë policore kanë dalë në vendin e ngjarjes dhe kanë ndërhyrë për të verifikuar situatën.

Në vendin e ngjarjes pritet të zhvillohen procedurat përkatëse për të sqaruar rrethanat e rastit, ndërsa mbetet të konfirmohet identiteti i personit dhe shkaku i vdekjes.

Rasti është duke u hetuar nga autoritetet kompetente.