Një aksident i rëndë trafiku në Prugovc të Prishtinës ka përfunduar me fatalitet. Aksidenti ka ndodhur mbrëmjen e së shtunës, rreth orës 20:35, në rrugën Milloshevë–Besí.
Sipas raportimeve, një këmbësor është goditur nga një automjet, duke pësuar lëndime të rënda trupore. Viktimës fillimisht i është dhënë ndihma në vendin e ngjarjes dhe më pas është dërguar në QKUK për trajtim.
Pavarësisht përpjekjeve të mjekëve, ai nuk ka arritur t’u mbijetojë plagëve dhe ka ndërruar jetë mëngjesin e së dielës.
Njësitet përkatëse kanë dalë në vendin e ngjarjes, ndërsa rasti po hetohet për të zbardhur rrethanat e plota të aksidentit.
Leave a Reply