Presidenti i Serbisë, Aleksandar Vuçiq, i është drejtuar sot me letër sekretarit të përgjithshëm të NATO-s, Mark Rutte, duke kërkuar që KFOR-i të ndërhyjë lidhur me situatën në veri të Kosovës.
Vuçiq ka kërkuar që KFOR-i, duke iu referuar Rezolutës 1244 të Këshillit të Sigurimit të OKB-së, të ndalojë hapjen e urës mbi lumin Ibër në Mitrovicë. Sipas tij, hapja e urës mund të krijojë, siç pretendon ai, rrezik për përshkallëzim të situatës në veri. (tanjug.rs)
Në letrën drejtuar Rutte-s, presidenti serb ka ngritur gjithashtu pretendime për atë që ai e cilëson si “persekutim” dhe “terror” ndaj serbëve në Kosovë, si dhe ka kërkuar veprime ndërkombëtare për zbatimin e marrëveshjeve të Brukselit të vitit 2013. (Kosovo Online)
Vuçiq ka bërë thirrje që NATO dhe komuniteti ndërkombëtar të ndërmarrin hapa për të parandaluar tensionimin e mëtejshëm të situatës. Ndërkohë, zhvillimi vjen në një kohë kur çështja e urës mbi Ibër mbetet një nga temat më të ndjeshme në raportet Kosovë–Serbi.
Leave a Reply