Pas takimit të zhvilluar mes Albin Kurtit dhe Lumir Abdixhikut, janë dhënë sinjale të reja se bisedimet për zgjedhjen e Presidentit të Kosovës mund të kenë hyrë në një fazë më konkrete.
Kurti deklaroi pas takimit se për herë të parë janë diskutuar edhe emra konkretë për presidentin e ardhshëm, përveç kritereve dhe parimeve që palët i kanë diskutuar më herët. Megjithatë, emrat nuk janë bërë publikë, pasi palët kanë kërkuar që diskutimet të mbeten konfidenciale.
Nga ana tjetër, Abdixhiku tha se gjatë takimit është bërë përparim në diskutimet për Presidentin, por theksoi se LDK-ja nuk dëshiron të shihet si pjesë e ndonjë marrëveshjeje ku humbet qëndrimin e saj politik.
“LDK-ja është e LDK-së”, ishte mesazhi i tij pas takimit, duke nënvizuar se partia do të vazhdojë t’i marrë vendimet në mënyrë të pavarur.
Takimi është i rëndësishëm për shkak të ngërçit institucional në Kosovë. Palët po përpiqen të gjejnë një emër që do të mund të siguronte mbështetje të mjaftueshme politike dhe të shmangte një tjetër përplasje institucionale.
Leave a Reply