Në ditën kur vëmendja është përqendruar te Gjykata Speciale në Hagë, ku pritet të shpallet aktgjykimi ndaj Hashim Thaçit, Kadri Veselit, Rexhep Selimit dhe Jakup Krasniqit, një postim në rrjetet sociale ka tërhequr vëmendje.
Joz Marku ka publikuar në Instagram një fotografi ku shihen ish-krerët e UÇK-së, mes tyre Hashim Thaçi dhe Kadri Veseli.
Ajo që ka rënë më shumë në sy në story-n e tij është mënyra se si Marku e ka shoqëruar imazhin e Kadri Veselit, duke vendosur një emoji kurore.
Postimi vjen në një moment kur interesi publik rreth katër ish-krerëve të UÇK-së është veçanërisht i madh. Gjykata Speciale pritet të shpallë sot aktgjykimin e shkallës së parë në rastin ndaj Thaçit, Veselit, Selimit dhe Krasniqit. Të katër përballen me akuza për krime lufte dhe krime kundër njerëzimit, të cilat i kanë mohuar.
Fotografitë dhe mesazhet mbështetëse për ish-krerët e UÇK-së janë shtuar në rrjetet sociale gjatë ditëve të fundit, në prag të vendimit në Hagë. Edhe në qytete të ndryshme të Kosovës janë parë flamuj, portrete dhe materiale në mbështetje të tyre.
Në rastin e Markut, vëmendjen e ndjekësve e ka marrë pikërisht emoji-ja e përdorur pranë fotografisë së Kadri Veselit, duke e bërë story-n pjesë të reagimeve të shumta që po shfaqen në rrjetet sociale gjatë kësaj dite.
Ndërkohë, vëmendja mbetet te ora e aktgjykimit në Hagë dhe te reagimet që do të pasojnë vendimin.
Leave a Reply