Presidenti amerikan Donald Trump dhe drejtues të disa prej kompanive më të mëdha të teknologjisë kanë nënshkruar një marrëveshje vullnetare për forcimin e sigurisë gjatë zhvillimit dhe përdorimit të sistemeve të avancuara të inteligjencës artificiale. Marrëveshja u prezantua pas një takimi me drejtuesit e teknologjisë në Shtëpinë e Bardhë.
Dokumenti, i quajtur “Joint Commitment on Frontier Responsibilities”, parashikon katër nivele kontrolli: monitorim të brendshëm të sistemeve, ekipe të brendshme për verifikimin e sigurisë, auditime nga vlerësues të jashtëm dhe mbikëqyrje nga një komitet i pavarur i bordeve të kompanive.
Në mesin e nënshkruesve janë Sundar Pichai i Google, Dario Amodei i Anthropic, Mark Zuckerberg i Meta-s, Greg Brockman i OpenAI, Elon Musk i xAI dhe Jensen Huang i Nvidia-s.
Marrëveshja është vullnetare dhe jo ligjërisht detyruese. Dokumenti lë të hapur mundësinë që disa prej këtyre masave të përfshihen në ligje ose rregullore në të ardhmen.
Trump e ka cilësuar marrëveshjen si “moralisht detyruese” dhe ka propozuar gjithashtu krijimin e një bordi prej rreth 10 personash për mbikëqyrjen e sigurisë së AI-së.
Leave a Reply