Në Gjilan po mbahet sot “Anamorava Economic Forum 2026”, një forum që synon të krijojë mundësi të reja për zhvillim ekonomik, investime dhe bashkëpunim në rajonin e Anamoravës.
Forumi organizohet nga Oda Ekonomike e Kosovës dhe Universiteti Publik “Kadri Zeka”, ndërsa mbahet në Vali Ranch Resort & Congress Center.
Në aktivitet marrin pjesë përfaqësues të institucioneve, biznesit, akademisë, investitorë dhe pjesëtarë të diasporës.
Një pjesë e rëndësishme e forumit lidhet me prezantimin e potencialeve ekonomike të rajonit dhe mundësive konkrete për investime.
Në kuadër të programit pritet të diskutohet edhe për rolin e diasporës në zhvillimin ekonomik dhe krijimin e partneriteteve mes bizneseve vendore dhe investitorëve.
Forumi synon që Gjilani dhe rajoni i Anamoravës të prezantohen si hapësirë me potencial për investime dhe zhvillim të mëtejshëm ekonomik.
Leave a Reply