Policia në Gjilan ka nisur hetimet për një rast të dyshuar mashtrimi, pasi një qytetar ka raportuar se një person i panjohur i kishte marrë pesë armë zjarri të cilat posedoheshin me leje valide.
Sipas raportimit të rastit, personi i dyshuar kishte shprehur interes për blerjen e pesë armëve dhe kishte marrë armët nga pronari me marrëveshjen që më pas të përfundonin procedurat e shitblerjes te noteri.
Megjithatë, sipas ankuesit, personi nuk ishte paraqitur më te noteri për përfundimin e kontratës dhe pagesën.
Rasti është cilësuar si “Mashtrim” dhe është duke u hetuar nga organet kompetente.
Policia po punon për identifikimin e personit të dyshuar dhe sqarimin e plotë të rrethanave të rastit.
Leave a Reply