Shefi i UNMIK-ut, Peter Due, ka paralajmëruar për tensione dhe mosmarrëveshje në Kosovë, duke bërë thirrje për dialog, angazhim konstruktiv dhe zbatim të marrëveshjeve ekzistuese.
Gjatë raportimit në Këshillin e Sigurimit të Kombeve të Bashkuara më 20 tetor, Due ngriti shqetësime lidhur me çështjet pronësore, prishjet dhe dëbimet në veri të Kosovës dhe në zona të tjera, si dhe ndikimin e tyre te komunitetet dhe bizneset lokale.
Ai përmendi gjithashtu vështirësitë në riintegrimin e gjyqtarëve dhe prokurorëve serbë, çështjet që lidhen me lirinë e shprehjes dhe funksionimin e institucioneve shëndetësore e arsimore të financuara nga Serbia.
Përfaqësuesi i posaçëm i sekretarit të përgjithshëm të OKB-së bëri thirrje që palët të angazhohen në dialogun e lehtësuar nga Bashkimi Evropian dhe të zbatojnë marrëveshjet e arritura, me synim uljen e tensioneve dhe ndërtimin e besimit.
Leave a Reply